Blynyddoedd Rhyfeddol

Cynhelir grwpiau Blynyddoedd Rhyfeddol® ar draws Powys fel y gall rhieni rannu eu sgiliau a'u profiad a dysgu oddi wrth rieni eraill.

Mae'r grwpiau ar ffurf cwrs strwythuredig sy'n canolbwyntio ar broblemau sy'n codi yn y gwahanol grwpiau oedran (0-6 mis, 1-3 oed, 3-6 oed, a 6-11 oed).

Mae'r rhaglenni'n cynnwys rhwng 8 a 14 sesiwn wythnosol, ac mae'r pynciau'n amrywio o chwarae gyda'ch baban ac annog datblygiad iaith i sefydlu patrymau cysgu a lleihau ymddygiad digroeso.

Dylai rhieni a gofalwyr gysylltu â'r cydlynwyr gan ddefnyddio'r rhifau ffôn ar waelod y dudalen hon i fynegi diddordeb mewn mynychu cwrs ac i gwblhau ffurflen gofrestru.

Eich Baban Rhyfeddol

(Rhaglen Blynyddoedd Rhyfeddol® ar gyfer rhieni a babanod)

• Ar gyfer rhieni a babanod llai na 6 mis oed ar ddechrau'r cwrs, gan ganolbwyntio ar flwyddyn gyntaf bywyd y plentyn.
• 9 sesiwn wythnosol, gan gynnwys sesiwn ragarweiniol (2 awr bob wythnos).
• Mae'r rhaglen yn cynnwys dulliau o hybu datblygiad cymdeithasol, emosiynol ac ieithyddol eich plentyn.

Eich Plentyn Bach Rhyfeddol

(Rhaglen Blynyddoedd Rhyfeddol® ar gyfer rhieni a phlant bach)

• Ar gyfer rhieni plant bach rhwng 1 a 3 oed.
• 14 sesiwn wythnosol, gan gynnwys sesiwn ragarweiniol (2 awr bob wythnos).
• Mae'r rhaglen yn cynnwys diogelwch y plentyn, a'i ddatblygiad cymdeithasol, emosiynol ac ieithyddol, gan ganolbwyntio ar ganmol ymddygiad cadarnhaol a strategaethau am ymdopi ag ymddygiad anodd.
• Mae meithrinfa ar gael.

Eich Plentyn Rhyfeddol (3-6 oed) Sylfaenol

(Rhaglen Blynyddoedd Rhyfeddol® ar gyfer rhieni a phlant)

• Ar gyfer rhieni plant rhwng 3 a 6 oed.
• 15 sesiwn wythnosol, gan gynnwys sesiwn ragarweiniol (2 awr bob wythnos).
• Mae'r rhaglen yn cynnwys chwarae dan gyfarwyddyd y plentyn a sgiliau hyfforddi, canmol a gwobrwyo, arferion disgyblaeth cadarnhaol a gosod terfynau’n effeithiol, trin camymddwyn, a dysgu plant i ddatrys problemau.
• Mae meithrinfa ar gael.

Eich Plentyn Rhyfeddol (6-12 oed) Oedran Ysgol

(Rhaglen Blynyddoedd Rhyfeddol® ar gyfer rhieni a phlant)

• Ar gyfer rhieni plant rhwng 6 a 12 oed.
• 13 sesiwn wythnosol, gan gynnwys sesiwn ragarweiniol (2 awr bob wythnos)
• Mae'r rhaglen yn cynnwys cefnogi addysg eich plentyn, hybu ymddygiad cadarnhaol, a lleihau ymddygiad anaddas.

Am ragor o wybodaeth cysylltwch â

• Jane Quarterman (Cydlynydd Blynyddoedd Rhyfeddol® De Powys) – 01597 822 190
• Janice Hughes (Cydlynydd Blynyddoedd Rhyfeddol® Gogledd Powys) – 01686 628 678